Желіде Ақмола облысында қар басқан жолдың видеосы тарады

Ақмола полицейлері қар басқан трассалардың кадрларын жариялады, деп хабарлайды Zakon.kz polisia.kz-ке сілтеме жасап.

"Алдыңғы демалыс күндері патрульдік полиция батальоны мен ротасының нарядтары күшейтілген режимде жұмыс істеді: температураның төмендеуі және ылғалды қар түріндегі жауын-шашын жолдардағы жағдайды едәуір қиындатты. Ауа райына байланысты Көкшетау-Атбасар, Көкшетау-Рузаевка, Петропавл-Астана автожолдарында шектеу қойылды", - деп хабарлады Ақмола облыстық полиция департаментінің баспасөз қызметі.

Демалыс күндері өңірде 30-ға жуық жол-көлік оқиғасы тіркеліп, салдарынан көліктерге механикалық зақым келген.

Полиция автокөлік иелерін көлікті қысқы кезеңге дайындауға үндеді.