Бүгін Алматының ауасы лас болады

Сәрсенбі, 25 қазанда Алматыда ауадағы зиянды қоспалар жоғары болады, деп хабарлайды Zakon.kz Қазгидрометке сілтеме жасап.

Мамандардың айтуынша, 25 қазанда Алматыда қолайсыз метеорологиялық жағдай сақталады.

Қолайсыз метеорологиялық жағдайлар – атмосфералық ауаның беткі қабатында ластаушы заттардың жиналуына ықпал ететін метеорологиялық факторлардың қысқа мерзімді ерекше жиынтығы.

Қолайсыз метеорологиялық жағдай кезінде елді мекендердегі атмосфералық ауаның сапасы нашарлауы мүмкін.

Мұндай ауа райы кезінде:

• көшеде, әсіресе, тасжолдардың бойында жүруді азайту керек;
• балалар мен жүкті әйелдер ұзақ уақыт серуендемегені жөн;созылмалы өкпе, жүрек-қан тамырлары, аллергиямен ауыратын адамдар өздерімен бірге дәрі-дәрмегін алып жүруге тиіс;
• таза ауадағы физикалық белсенділікті шектеңіз;
• дене шынықтыру және спорттық іс-шараларды жабық спорт кешендерінде өткізу керек.