Жетісу облысында орманнан мыңға жуық ағашты заңсыз кескен күдіктілер жазаланды

полиция, сурет - Zakon.kz жаңалық 13.11.2023 22:00

Сурет: polisia.kz

Жетісу облысында орманнан мыңға жуық ағашты заңсыз кескен күдіктілер жауапқа тартылады, деп хабарлайды Zakon.kz polisia.kz-ке сілтеме жасап.

Бұл факт Ақсу ауданында тіркелді. Онда құқық қорғау органдары жаңа кесілген ағаш пен жүк тиелген тіркемесі бар жүк көлігін ұстады. Тексеру барысында Қызылағаш және Сағабүйен кенттері арасында заңсыз ағаш кесілгені анықталды.

"Орман алқабында барлығы 1000-ға жуық ағаш кесілген. Көлемі мен келтірілген залал әзірге анықталып жатыр. Осы жайт бойынша ҚР ҚК-нің 340-бабының 1-бөлімінде көзделген қылмыстық іс қозғалды", - деп хабарлады Ақсу ауданының полициясы.

Заңсыз ағаш кесу дерегі бойынша Талдықорған мен Алматыдан келген 38 және 28 жастағы екі тұрғын күдікке ілінді. Ұсталғандарға қатысты келу туралы міндеттеме процедуралық мәжбүрлеу шарасы таңдалды.

Оқи отырыңыз