Биыл Павлодар облысында жетпіске жуық егіз дүниеге келген

Биыл Павлодар облысында жетпіске жуық егіз дүниеге келген. Жалпы тоғыз айдың қорытындысы бойынша 7 447 сәби туған, деп хабарлайды Zakon.kz.

Бұл жайлы облыс әкімдігінде өткен аппараттық жиналыста денсаулық сақтау басқармасының басшысы Айдар Сейітқазинов айтты, деп жазды pavlodarnews.kz.

"Жыл басынан бері 68 егіз бала өмірге келді, үшемдер болған жоқ. Барлық балалар дәрігерлердің үнемі бақылауында", - деді басқарма басшысы. 

Оның сөзінше, биылғы тоғыз айында есепте 7 270 жүкті әйел тұр. Былтырғымен салыстырғанда жүкті әйелдер саны 161-ге азайды.