Сүйінші! Қазақстан халқының саны 20 миллионға жетті

Мемлекет басшысы Қасым-Жомарт Тоқаев халқымыздың саны 20 миллионға жеткенін хабарлап, ақжолтай жаңалыққа құтты болсын айтты, деп мәлімдейді Zakon.kz.

Президенттің құттықтауы Х парақшасында жарияланды:

"Халқымыздың саны 20 миллионға жетті! Баршаңызды ақжолтай жаңалықпен құттықтаймын! Бақытты отбасы – бақуатты елдің негізі. Мемлекет отбасы құндылықтарын нығайтуға, ана мен баланы қорғауға баса мән береді".

Сурет: akorda.kz

ҚР Ұлттық статистика бюросы 2023 жылғы 1 қараша күні Қазақстанда халық саны 20 миллионға жақындап қалғанын хабарлаған еді.