Абай облысының барлық медициналық мекемесінде карантин жарияланды

2023 жылы 17 қарашада Абай облысының әкімдігі мәлімдеме жасап, аймақтың барлық медициналық мекемесінде карантин жарияланғанын нақтылады, деп хабарлайды Zakon.kz.

Әкімдік хабарламасында ҚР ДСМ Санитариялық-эпидемиологиялық бақылау комитеті Абай облысының санитариялық-эпидемиологиялық бақылау департаментінің "Семей қалалық санитарлық-эпидемиологиялық бақылау басқармасы" РММ-нің арнайы бұйрығына сәйкес, барлық медициналық ұйымдарда карантин енгізілгені айтылады. 

Қазіргі уақытта Абай облысында қызылша бойынша эпидемиялық жағдай тұрақты: 2023 жылдың мамыр айынан бастап облыста қызылшаның зертханалық расталған 75 жағдайы тіркелді.

"Өкінішке қарай, қызылшамен сырқаттанудың бұрынғыдан айырмашылығы, бүгінде диагноз негізінен балалар арасында, яғни барлық жағдайдың 56,0 пайызы (42 жағдай) 5 жасқа дейінгі балалар екенін атап өткен жөн".Абай облысы әкімдігінің баспасөз қызметі

Қазіргі уақытта Абай облысында 7 бала мен 3 ересек адам қызылшамен стационарлық емделуде, ауыр жағдайда жатқандар (балалар мен ересектер) жоқ. Қызылша қатысты инфекциялық төсектердің қамтылуы 12,5%-ды құрайды.

Қазақстан Республикасында қызылша бойынша қолайсыз жағдай тіркелген. Осыған байланысты облыста эпидемияға қарсы және профилактикалық іс-шаралар жүргізіліп жатқаны да нақтыланады.