Алматының Жетісу ауданында жылу беру уақытша тоқтатылады
Сурет: freepik
"Алматы жылу желілері" ЖШС баспасөз қызметінің мәлімдеуінше, 23 қарашада Жетісу ауданының Рысқұлов — Жансүгіров — Глазунов — Сейфуллин көшелерінің аумағындағы, сонымен қатар Құлагер, Дорожник және Айнабұлақ-1, 2, 3, 4 шағын ауданындағы бірнеше тұрғын және өзге де ғимараттарға жылу беру уақытша шектеледі.
"Сорғы станциясында ілмекті арматурасын ауыстыру бойынша жөндеу жұмыстарын жүргізу кезінде қауіпсіздікті қамтамасыз ету үшін жылумен және ыстық сумен жабдықтауды уақытша шектеу енгізіледі", – делінген хабарламада.
Компания өкілдері түн ортасынадейін жылу мен ыстық су беру қалпына келтірілетінін атап өтті.
"Аталған ауданда тұратын алматылықтар мен қала қонақтарынан уақытша қолайсыздықтарға түсіністікпен қарауды сұраймыз", – дейді "Алматы жылу желілері" ЖШС баспасөз қызметі.
Қандай да бір штаттан тыс жағдай туындаған кезде (су, бу, т.б. шығарындылар) өз бетінше әрекет жасамай, мына нөмірлерге хабарлауға кеңес береміз: +7 (727) 378-06-65 (тәулік бойы), +7 (727) 341-07-77 (08:00-ден 18:00-ге дейін) немесе 109.
