Павлодарда жоғалып кеткен 8-сынып оқушысы табылды
![оқушы, сурет - Zakon.kz жаңалық 10.12.2023 10:03](https://kaz.zakon.kz/pbi/WEBP/2023-12-10/file-f1d52b61-bdbe-4db3-84c1-e2b8f6caea8f/800x449.webp)
Павлодарда жоғалып кеткен 8-сынып оқушысы Дарья Шандрук табылды, деп хабарлайды Zakon.kz pavlodarnews.kz-ке сілтеме жасап.
Бұл туралы облыстық полиция департаментінің баспасөз қызметі мәлімдеді.
"Кеше басталған іздеу іс-шаралары таңғы төртке дейін жалғасты. Даша кейінгі рет құрбысына қоңырау шалған. Барлық аумақ тексерілді. Қыз табылды", - деп жазды VITA еріктілері.
Еске салайық, бұған дейін № 5 жалпы орта білім беретін мектептің 8-сынып оқушысы Дарья Шандруктың жоғалып кеткенін хабарлаған едік.
8 желтоқсанда полиция басқармасының кезекші бөліміне анасымен болған жанжалдан кейін сағат 23:00 шамасында жасөспірімнің үйден кетіп қалғаны туралы хабарлама түскен.
Анасының айтуынша, ол бұрын да үйден кетіп жүрген.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript