Қазақстанда әйелдер некесіне рұқсат беріле ме

Сурет: pexels

Қазнетте жаңа әрі таңғаларлық фейк тарап жатыр. Ақпарат авторының айтуынша, Қазақстанда әйелдер арасында неке қиюға рұқсат етіледі, деп хабарлайды Zakon.kz.

Хабарда айтылғандай, тұрмыстық зорлық-зомбылық деңгейін төмендету үшін әйелдердің біржынысты некеге тұруына жол берілмек. Бұл хабарламаны Instagram-дағы qaznews24 аккаунты таратты.

Дегенмен Stopfake сарапшылары бұл ақпараттың жалған екенін растады.

"Профильде оның тек ойдан шығарылған жаңалықтарды шығаратын "сатиралық ақпарат агенттігі" екені және ондағы барлық атау мен оқиғаның жалған екені жазылған. Таралып жатқан хабарламаға сенудің қажеті жоқ, ол – фейк", - деді сарапшылар.

Бұған дейін Қазнеттің қонақүйлерді брондау қызметі атынан жұмыс туралы хабарландыруларды белсенді түрде жіберіп жатқаны хабарланған еді. Лайк үшін қонақүйлер күніне 2500 теңгеден 8000 теңгеге дейін уәде еткен.

Оқи отырыңыз