2027 жылға қарай Алматыда LRT жүрдек трамвайлары салынбақ

Сурет: Zakon.kz/Павел Михеев

Жаңа LRT жеңіл рельсті трамвай жүйесінің бірінші бөлігін 2027 жылға дейін салу жоспарланған. Ол Момышұлы, Төле би көшелерімен және Райымбек даңғылымен қаланың шығыс шекарасына дейінгі аумақты қамтиды.

Бұл туралы "Future of Mobility" компаниясының серіктесі Александр Ованесов мәлімдеді. Ол "Алматыбасжоспар" ҒЗИ-мен бірлесіп көлік қаңқасының шебер-жоспарын әзірлеген.

"Көлік қаңқасы BRT, LRT және метро сияқты жоғары жылдамдықты қоғамдық көліктердің дамуына негізделген. 2030 жылға қарай қалада ұзындығы шамамен 300 шақырым болатын 42 көлік дәлізі құрылады. Қаланың қалған бөліктеріне тұрғындарға 10-15 минутта жақын маңдағы жедел көлік аялдамасына жетуге мүмкіндік беретін тасымалдау маршруттарын іске қосу жоспарланған", - деді Александр Ованесов.

Көлік қаңқасының инфрақұрылымын құруға 5-7 жылға дейін уақыт қажет. Бұл Алматының қоғамдық көлігін жүйелі трансформациялау элементтерінің бірі болмақ. Мысалы, БРТ жылжымалы құрамының бағалау паркі - (автобустар, электробустар, троллейбустар) 3.9 мың бірлік. Жолаушылар инфрақұрылымын қолданыстағы 1208 аялдамадан 1245 аялдамаға дейін кеңейту көзделіп отыр.

Сонымен бірге келесі жылы жол ақысын төлеудің көп нұсқасын (біржолғы билеттер, абонементтер), соның ішінде сапар аясында бір бағыттан екінші бағытқа тегін ауысу мүмкіндігін қамтитын жаңа тариф әзірленіп, енгізілмек.

Оқи отырыңыз