Экономика өсіп, инфляция төмендеп жатыр - Смайылов
Сурет: Үкіметтің баспасөз қызметі
ҚР Премьер-министрі Әлихан Смайылов 24KZ телеарнасына берген сұхбатында 2023 жылғы ЖІӨ және инфляция бойынша болжамды көрсеткіштер мен Мемлекет басшысы Қасым-Жомарт Тоқаевтың негізгі тапсырмаларының орындалуы туралы айтты, деп хабарлайды Zakon.kz.
"Жаһандық нарықта қалыптасқан қолайсыз факторларға қарамастан, биыл еліміздің экономикасы тұрақты өсіп келеді. Егер өткен жылды 3,2% өсіммен аяқтасақ, осы жылдың 11 айында экономиканың өсуі 4,9% болды. Ал жылдың қорытындысы бойынша осы өсім 5%-ға жақын болады". Әлихан Смайылов
Экономиканың барлық негізгі салаларында оң динамика қалыптасып отыр. Мәселен, құрылыста өсім 13%, саудада – 11%, байланыс секторында – 8%.
"Экономикалық өсудің негізгі драйвері - инвестиция. Негізгі капиталға салынған инвестициялар көлемі 15%-ға өсіп, 15 трлн теңге болды", - деді Премьер-министр.
Биылғы басты сын-қатерлердің бірі инфляция болды.
"Өздеріңіз білетіндей, Мемлекет басшысы Үкімет алдына инфляция деңгейін екі есеге төмендету міндетін қойды. Ол үшін Үкімет Ұлттық банкпен бірлесіп, жедел және орта мерзімді іс-шараларды жүзеге асырды. Осы жылдың қорытындысы бойынша инфляция деңгейі 9,8% маңайында болады деп күтілуде. Бұл – инфляция екі есе төмендейді деген сөз. Келесі жылы біз инфляция деңгейін одан ары, яғни 6-8%-ға дейін төмендету үшін жұмысты жалғастырамыз. Өзімізге осындай мақсат қойып отырмыз".Әлихан Смайылов
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
