Синоптиктер сегіз өңірде ауа райына байланысты ескерту жасады

"Қазгидромет" РМК синоптиктері ертең, 19 қаңтарда елдің сегіз өңірінде ауа райына байланысты ескерту жасады, деп хабарлайды Zakon.kz.

Жетісу облысының шығысында, таулы аудандарында тұман. Шығыстан жел соғады, Алакөл көлдері ауданында екпіні 15-20 м/с болады.

Қызылорда облысының орталығында, оңтүстігінде тұман түседі.

Атырау облысының оңтүстігінде, шығысында тұман түседі. Оңтүстік-шығыстан жел соғады, күндіз облыстың батысында, оңтүстігінде, солтүстігінде екпіні секундына 15-20 метрге жетеді. 

Қостанай облысының шығысында, оңтүстігінде бұрқасын. Облыстың батысында, солтүстігінде тұман түседі.

Батыс Қазақстан облысының оңтүстігінде, солтүстігінде, шығысында тұман түседі. Жел оңтүстік-шығыстан, оңтүстіктен соғады, күндіз облыстың басым бөлігінде екпіні - 15-20 м/с. 

Түркістан облысының оңтүстігінде, таулы және тау бөктерлі аудандарында көктайғақ. Облыстың солтүстігінде, батысында, таулы және тау бөктерлі аудандарында тұман. Солтүстік-батыстан, солтүстіктен жел соғады, таңертең және күндіз облыстың тау асуларында екпіні 15-20 м/с болады.

Шымкентте таңертең және күндіз көктайғақ күтіледі. Кей уақытта тұман. 

Ақтөбе облысының солтүстігінде, батысында, оңтүстігінде тұман.