ШҚО-да бомба туралы жалған хабар берген оқушының ата-анасына айыппұл салынды

ШҚО-да жасөспірім полицияға қоңырау шалып, мектепке бомба салынғаны туралы хабарлаған. Абоненттік нөмірдің иесі 12 жастағы орта мектеп оқушысы болып шықты. Оның телефонынан сыныптасы танымал әлеуметтік желілердегі трендті қайталағысы келіп, полицияға хабарласқан.

Қазіргі уақытта балаға қатысты материал кәмелетке толмағандар жөніндегі комиссияның қарауына берілді.

Кәмелетке толмағандарды тәрбиелеу жөніндегі міндеттерді тиісінше орындамағаны үшін ата-аналарға әкімшілік айыппұл салынады.

Полиция департаменті қоғамдық резонанс пен ықтимал салдарын ескере отырып, терроризм актісі туралы көрінеу жалған хабарлағаны үшін әкімшілік қана емес, қылмыстық жауапкершілік те көзделгенін ескертті.

Баптың санкциясы 5 жылға дейін бас бостандығынан айыруды қарастырады.