Қазақстанда барлық бағыттағы жолдар ашық

Жолшылар барлық қазақстандық тас жолдардың ашық екенін, ешқандай шектеулер жоқ екенін хабарлады, деп хабарлайды Zakon.kz.

"Барлық бағыт бойынша республикалық маңызы бар автожолдарда шектеулер алынды", - делінген "ҚазАвтоЖол" хабарламасында.

Бұған дейін ауа райының нашарлауына байланысты жеті облыстағы республикалық маңызы бар жолдардың 14 учаскесінде көлік қозғалысына шектеулер енгізілген еді.

"Қазгидромет" РМК мамандары алдағы үш күнде – 2024 жылдың 3-5 ақпаны аралығында Қазақстанда ауа райы қандай болатынын айтты.