"Өзің жар бола көр!". Бас мүфти су тасқынынан зардап шеккен жерлестерімізге көппен бірге дұға жасады

Дұға, судан зардап шеккендер, Бас мүфти, сурет - Zakon.kz жаңалық 30.03.2024 15:50

Сурет: ҚМДБ

Қазақстан мұсылмандары діни басқармасының төрағасы Наурызбай қажы Тағанұлы Алматы қаласына барған сапарында Орталық мешітте Құран хатым дұғасын жасады, деп хабарлайды Zakon.kz.

Қазақстан мұсылмандары діни басқармасы баспасөз қызметінің хабарлауынша, Бас мүфти қазақ даласынан шыққан ғұлама-ғалымдар, ахун-ишандар, әулиелер, алаш қайраткерлері мен ел үшін еңбек еткен күллі бабалар рухына қасиетті Құран аяттарын бағыштады.

Наурызбай қажы Тағанұлы, дұға, тасқын судан зардап шеккендер, сурет - Zakon.kz жаңалық 30.03.2024 15:50

Сурет: ҚМДБ

"Уа, Алла Тағала! Осы оқылған қасиетті Құран аяттарының нұрымен халқымызды, елімізді, жерімізді нұрға бөлей гөр. Халқымызды табиғи апаттардан, зілзаладан, топан судан, өрттен, кеселден, түрлі індеттерден аман сақтай гөр! Алматы қаласын, бүкіл қазақ даласын жер сілкінісінен сақтай гөр. Жер бетін бүлік пен апаттан аман еткейсің. Уа, Алла! Батыс Қазақстан, Қостанай, Абай облыстарында тасқын судан жапа шеккен жерлестерімізге Өзің жар болғайсың. Олардың басына келген сынақтың соңын қайырлы ете гөр. Жерімізді тасқын судан сақтай гөр" деп дұға етті Бас мүфти.

Айта кетсек, 30 наурызда ҚР Премьер-министрінің бірінші орынбасары Роман Скляр Батыс Қазақстан облысында су тасқыны салдарынан қалыптасқан жағдаймен танысты. Жұмыс сапары барысында Батыс Қазақстан облысының Теректі, Сырым және Қаратөбе аудандарындағы су басқан аумақтар әуеден бақыланып, сондай-ақ Орал қаласындағы су тасқыны салдарынан қалыптасқан ахуал зерделенді.

30 наурызда Ақтөбе облысында тік ұшақ қона алмаған ауылдың адамдары эвакуациялана бастады.

Оқи отырыңыз