2024 жылдың басынан бері спорт саласында 39 жемқорлық қылмысы тіркелді

Сыбайлас жемқорлыққа қарсы қызметте өткен ведомствоаралық мәжілісте спортты дамытуға бөлінетін мемлекеттік қаражаттың ұтымсыз және тиімсіз жұмсалу мәселесі талқыланды, деп хабарлайды Zakon.kz.

Осы жылдың басынан бері спорт саласында 39 жемқорлық қылмысы тіркелді.

Бейінді министрлік ішіндегі жемқорлықтың ауқымы қазіргі уақытта бұрынғы вице-министр, cпорт және дене шынықтыру істері комитетінің төрағасы, cпортты дамыту дирекциясының басшысы және басқа да лауазымды тұлғалардың қылмыстық жауапкершілікке тартылды.

"Ұлт денсаулығын нығайту және бұқаралық, әсіресе балалар спортын дамыту мәселелеріне мемлекет басшысы ерекше көңіл бөледі. Тек кейінгі 6 жылда осы саладағы бюджет екі есеге өсіп, 1,4 трлн теңге болды. Алайда, Қазақстанның әлемдік спорттағы рейтингі төмендеп жатыр. Осы сала бюджетінің 90%-ы жұмсалатын "жоғары жетістіктер" және "бұқаралық" спортты қаржыландыру арасында теңгерімсіздік байқалады. Ал дамыған елдерде пропорциялар мүлдем өзгеше және бұқаралық спортқа қаражат бөлу басым. "Қаржыландырудағы диспропорция жемқорлық схемаларына негіз болды. Егер бұқаралық спортта қазір цифрландырылған жан басына шаққандағы қаржыландыру бағдарламасы жұмыс істеп тұрса, онда жоғары жетістіктер спортында ашық емес және субъективті төлемдер, аз бақылау, аффилирленген қатысушылар, жалған оқу-жаттығулар және қосарланған қаржыландыруға жағдай жасалған", - деді агенттік төрағасы.

Ведомствоның хабарлауынша, спорттық процестерде цифрландырудың болмауы жемқорлық құқық бұзушылықтар мен қаражаттардың жымқырылуына қолайлы.

Екі жыл бұрын жоспарланған Е-sport ақпараттық жүйесі осы уақытқа дейін іске қосылған жоқ. "Спорт шеберлері" жалған атақтарын беру фактілері анықталды. Мәжілісте Қазақстандағы спортшыларды натурализациялау, кәсіби клубтардың бюджеттерін қалыптастыру және легионерлерге төлемдерді қаржыландыру мәселелері талқыланды.

"Еліміздің футбол кәсіподақ клубтары соңғы 3 жыл ішінде 30 млрд теңгеден астам үстеме ақы төледі.Сонымен қатар, өзінің спорттық инфрақұрылымын дамытудың орнына бюджет қаражаты легионерлерге төлем жасауға және спорт нысандарын жалға алуға жұмсалды. Талдау қорытындысы бойынша Агенттік салалық министрліктің атына жемқорлық тәуекелдерін жою бойынша ұсынымдар енгізді", - делінген хабарламада.