Ұлытаудағы су тасқыны кезеңінде жасалмаған жұмыс үшін компания 400 млн теңге алған

Сурет: primeminister.kz

Ұлытау облысында ЖШС су тасқынының алдын алу бойынша орындалмаған жұмыстар үшін үлкен сомада қаражат алды, деп хабарлайды Zakon.kz.

Бұл туралы 11 сәуірде облыстық прокуратураның үйлестіруімен ЖШС лауазымды тұлғаларына қатысты сотқа дейінгі тергеу жүргізіп жатқан қаржы мониторингі агенттігі хабарлады.

Ведомствоның мәліметінше, ЖШС көктемгі су тасқыны кезінде жақын маңдағы аумақтарды шайылып кетуден қорғау үшін ұзындығы 2 шақырым Жезді өзеніне санация жүргізу үшін жалпы сомасы 485,5 млн теңгеге мемлекеттік мекемемен шарт жасасқан.

"Алайда, жобаны іске асырудың бақылау өлшемімен мердігер жалпы сомасы 282,5 млн теңгеге жоба бойынша құрылыс-монтаждау жұмыстарын нақты орындамағаны анықталды. Сол сәтте жоғарыда аталған жұмыстардың болмау жағдайында ЖШС атына орындалған жұмыстар актілеріне сәйкес 400 млн теңге аударылған. Аталған әрекеттердің салдарынан 26 үй су астында қалып, 174 адам эвакуацияланды."Қаржы мониторинг агенттігі

Сотқа дейінгі тергеу амалдары жалғасуда.

Қаржы мониторинг агенттігі 11 сәуірде осыған ұқсас Алматы және Ақтөбе облыстарында қылмыстық істі тексеріп жатқандарын айтты.

Оқи отырыңыз