Қазақстанның сегіз өңірінде су тасқыны салдарынан ТЖ режимі сақталуда

Сурет: primeminister.kz

ҚР ТЖМ Азаматтық қорғаныс және әскери бөлімдер комитетінің аға офицері Ерасыл Сайпаш 2024 жылғы 15 сәуірде ОКҚ брифингінде елдегі су тасқыны бойынша ағымдағы жағдай туралы айтып берді, деп хабарлайды Zakon.kz.

Спикердің мәліметінше, су тасқыны кезеңінің басынан бері 111 мыңнан астам адам құтқарылды. Оның 39 мыңы-балалар.

"Уақытша орналастыру пункттерінде 6814 адам, оның ішінде 2995 – і балалар, 11 950 адам үйге оралды. 9 млн 50 мың текше метрден астам еріген су сорылып, 2 млн 200 мың қапшық, сондай – ақ 1 млн 200 мың инертті материал төселді", - деді Ерасыл Сайпаш.

Ол құтқару жұмыстарына 33 334 адам мен 4066 техника жұмылдырылғанын атап өтті.

"Қазіргі уақытта бес облыста 5411 тұрғын үй, 1607 аула аумағы және 2035 саяжай үйлері су астында қалып отыр. 2500 тұрғын үй мен 2157 аула аумағынан су бұрылды. Еліміздің сегіз өңірінде жергілікті ауқымдағы 36 ТЖ әрекеті бар. Атап айтсақ, Ақтөбе, Қостанай, Батыс Қазақстан, Ақмола, Қарағанды, Атырау, Солтүстік Қазақстан, сондай-ақ Ұлытау облыстарында",- деп толықтырды ол.

ТЖМ сонымен қатар азаматтарды аса мұқият болуға, су тасқыны кезеңінде барлық қауіпсіздік шараларын қатаң сақтауға және тиісті рұқсатсыз эвакуациялық пункттерінен кетпеуге шақырды.

Оқи отырыңыз: су тасқынынан зардап шеккен қазақстандықтарға салықтар мен төлемдерді төлеу кейінге қалдырылады

Оқи отырыңыз