Жайық өзенінде су деңгейі көтерілуде

Сурет: Атырау облысының ТЖ жөніндегі жедел штабы

Атырау облысының Төтенше жағдайлар жөніндегі жедел штабы 16 сәуір күні таңертең Жайық өзеніндегі ахуал бойынша деректерді мәлімдеді, деп хабарлайды Zakon.kz.

Атырау облысы бойынша "Қазгидромет" РМК гидрологиялық мониторингінің деректеріне сәйкес, Жайық өзені бойынша, өткен тәулікте БҚО аумағынан судың келуі есебінен келесі өзгерістер орын алды:

Жайық өзені – Индербор кентінің су бекетіндегі деңгейі 538 см., су деңгейі +10 см-ге көтерілді, су тасқыны басталғаннан бері жалпы судың көтерілуі 315 см.
Жайық өзені – Махамбет кентіндегі су деңгейі 664 см., су деңгейі + 10 см-ге көтерілді, су тасқыны басталғаннан бері жалпы көтерілу 347 см.
Жайық өзені - Атырау қ. гидропостындағы су деңгейі 387 см., су деңгейінің көтерілуі +14 см., су тасқыны басталғаннан бері жалпы су көтерілуі 196 см.

Су деңгейінің одан әрі көтерілуі күтілуде.