АҚШ елшісі қазақстандықтарға үндеу жолдады
Сурет: uz.usembassy.gov
Құттықтаудың бірден-бір себебі, 3 мамыр - Дүниежүзілік баспасөз бостандығы күні.
"Бүгінгі баспасөз бостандығы күні мен бүкіл қазақстандық журналистерге айтарым: сіздердің жұмыстарыңыз үшін рахмет, батылдықтарыңыз үшін рахмет және біздің қоғамға негізделген шешімдер қабылдауға көмектесу үшін сөздің күшін пайдаландатандырыңызға алғысым шексіз", – деп жазылған АҚШ-тың Қазақстандағы елшілігінің парақшасында.
Үндеуде Даниэль Розенблум бұл күн 2024 жылы журналистиканың Жаһандық экологиялық дағдарысты жариялаудағы рөліне арналғанын айтады.
"Қазақстан үшін бұл дағдарыс елдегі қазіргі, су тасқынындай сезілген емес. АҚШ елшілігі және мен осы апаттың құрбандарына, үйлерінен, мүліктерінен және бизнесінен айырылған мыңдаған адамдарға көңіл айтамыз",-деді елші.
Сонымен қатар, ол ел бірлігі мен бір-біріне жанашырлығы, ержүрек құтқарушылары, көрші елдердің мейрімділігі кім-кімді болсын елжіретпей қоймайтынын да жеткізді.
"Журналистер күн сайын маңызды ақпаратты жұртшылық пен Үкіметке жеткізу арқылы экологиялық дағдарысты еңсеруде маңызды рөл атқарады. Олар шындықты жеткізу және қоршаған орта туралы ғана емес, сонымен қатар жаңалықтар сюжеттері мен мәселелерінің барлық спектрі бойынша жалған ақпараттың таралуын болдырмау үшін сөздің күшін пайдаланады", – деп атап өтті Розенблум.
Оның айтуынша, сөздің құдіреті әрқашан мәдени дәстүрлеріне терең енген қазақстандық дала демократиясының маңызды бөлігі болған.
"Белгілі қазақстандық спикерлер, ақындар өздерінің шешендіктерін басшылық, делдалдық және маңызды жаңалықтарды жеткізу үшін пайдаланды. Олар қоғамда құрметтелді және олардың жұмысы жоғары бағаланды. Сол сияқты, бүгін де бізді хабардар ету және біз үшін әлемді ашу үшін сөздің күшін пайдаланатындардың жұмысын құрметтеп, бағалауды жалғастыруымыз керек", – деді АҚШ-тың Қазақстандағы елшісі.
"On this Press Freedom Day, I say to all journalists across Kazakhstan, thank you for your work, thank you for your courage, and thank you for using the power of the word to help our society make informed decisions." - Ambassador Rosenblum. pic.twitter.com/Ritd5ZMirk
— U.S. Embassy to Kazakhstan (@USembassyKAZ) May 3, 2024
Айта кетейік, АҚШ елшісі Қазақстан халқын Наурыз мейрамымен ерекше құттықтаған болатын.
