Алматы облысының полициясы екі күн ішінде 4 көлік ұрлығын анықтады
![Алматы облысының полициясы екі күн ішінде 4 көлік ұрлығын анықтады, сурет - Zakon.kz жаңалық 22.05.2024 18:38](https://kaz.zakon.kz/pbi/WEBP/2024-05-22/file-800ddd24-22c3-4462-be60-210a2f189942/400x219.webp)
Алматы облысының полицейлері екі күн ішінде төрт автокөлік ұрлығын ашты, деп хабарлайды Zakon.kz.
"Кеше бағдар бойынша жедел-іздестіру іс-шаралары барысында Hyundai көлігі тоқтатылды. Тізгінде 2007 жылы туған кәмелетке толмаған жасөспірім болды. Қазіргі уақытта күдікті ұсталып, полицияға жеткізілді. Тергеу әрекеттері және ұсталған адамның басқа да осындай қылмысқа қатысы бар-жоғын тексеру жүргізіліп жатыр". Алматы облысы полиция департаменті ППБ командирі Дархан Байшоинов
Сонымен қатар аймақ аумағында автокөлік ұрлығы мен ұрлықтың алдын алу тақырыбында халықпен 20-дан астам жиын өткізілді. Кездесу барысында полицейлер тұрғындарға автокөлікпен байланысты қылмысты болдырмауға көмектесетін сақтық шараларын түсіндірді.
Ұсынылған шаралардың қатарына қауіпсіздік жүйелерін пайдалану, жарықтандырылған жерлерде тұраққа қою және көлік құралдарының есіктері мен терезелерін жабуға мұқият қарау туралы айтылды.
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript