Павлодарлық әйел жұмбақ жағдайда жоғалып кетті

VITA еріктілер жасағының мәліметінше, 18 мамыр күні сағат 17:00 шамасында 45 жастағы Нина Медведева Шөкин көшесіндегі 24-үйден белгісіз жаққа шығып кеткен. Оның қайда екені күні бүгінге дейін белгісіз, деп хабарлайды Zakon.kz pavlodarnews.kz-ке сілтеме жасап.

Белгілері: бойы 150-155 сантиметр, орта денелі, көк көзді, аққұба, шашы қысқа. Ерні мен сол жақ қасында тыртық бар.

Әйел қоңыр-сарғыш күрте, қара футболка мен джинс шалбар, ақ кроссовка және ақ "М" әрпі бар қара қалпақ киген. Оның қолында қоңыр түсті сөмке болған. 

Еріктілер із-түзсіз жоғалған адам туралы ақпараты бар кез келген адамды [phone], [phone] телефон нөмірі бойынша немесе полицияға хабарлауын сұрап отыр.