Шымкентте жолда адасып қалған ауыр жүк көлігінің жүргізушісіне полиглот полицей көмектесті

Ер адам Өзбекстанға апаратын жолды таба алмағанын айтқан. Патрульдік инспекторлар жүк көлігін қала шекарасына дейін шығарып салып, әрі қарай жүру маршрутын түсіндірді.

"Шымкент полицейлеріне үлкен ризашылығымды білдіргім келеді. Рақмет, достар! Мен қала ішінде адасып кеткен едім, полиция қызметкерлері маған көмектесті, жол көрсетіп, шығарып салды", - дейді шетелдік ҚР ІІМ инстаграм парақшасына жолдаған видеосында.

Полиция қатарында 8 жылдан бері қызмет етіп келе жатқан Нұрдәулет Елгелдиев қазақ және орыс тілдерінен бөлек түрік, ағылшын, өзбек және қырғыз тілдерін жетік меңгерген.

"Мектеп кезінен бастап маған әртүрлі тілде сөйлеу ұнайтын. Бұл тілдерді үйрену маған қиынға соқпады. Түркияда 4 жарым жыл оқыдым. Елге оралып, заңгер мамандығына түстім", - дейді тәртіп сақшысы.

Нұрдәулеттің айтуынша, тілдерді білудің арқасында ол шетелдіктерге бірнеше рет көмектескен, сондай-ақ білімін күнделікті өмірде де белсенді қолданады.

Оқи отырыңыз

"Тұман, көктайғақ, жаңбыр". Еліміздің 14 өңірінде дауылды ескерту жарияланды

23:07, 17 қазан 2024

Цифрлық даму министрі Қазақстанның өз әлеуметтік желісін құруға қауқары жетпейтінін айтты

21:57, 17 қазан 2024

ҚМДБ үндеуі: Шариғат бойынша бейкүнә адамды өлтіру – барша адамды өлтіргенмен тең

20:56, 17 қазан 2024