Су тасқынынан зардап шеккен азаматтарға тұрғын үй беру тәртібі өзгерді
Сурет: freepik
Түзетулерге ҚР аумағындағы жалғыз тұрғын үй болып табылатын уақытша (маусымдық) тұруға арналған құрылыста тұратын азаматтар "Азаматтарға арналған үкімет" мемлекеттік корпорациясы берген жұбайында (зайыбында) және кәмелетке толмаған балаларында жылжымайтын мүліктің жоқ(бар) екендігі туралы анықтаманы қосымша ұсынады.
Естеріңізге сала кетейік, ТЖ салдарынан тұрғын үйсіз қалған азаматтар ТЖ орын алған жер бойынша әкімдікке келесі құжаттарды ұсынуы қажет:
- зардап шеккен азаматтың жеке басын куәландыратын құжаттың көшірмесі;
- жылжымайтын мүліктің меншік иесінен (не сенімхат бойынша оның өкілінен) өтініштер;
- жылжымайтын мүлік объектісінің (тұрғын үйдің) кадастрлық паспорты;
- жер учаскесіне сәйкестендіру құжаты (жер учаскесіне жеке меншік құқығына акт);
- "Азаматтарға арналған үкімет" мемлекеттік корпорациясы берген жылжымайтын мүліктің жоқ (бар) екендігі туралы анықтама.
Зардап шеккен азаматтарда тұрғын үйге құқық белгілейтін құжаттар болмаған жағдайда "Қазақстан ғарыш сапары "Ұлттық компаниясы" акционерлік қоғамының мәліметтері, сондай-ақ: әлеуметтік қорғау органдарының; Ішкі істер органдарының, "Азаматтарға арналған үкімет" мемлекеттік корпорациясының; Денсаулық сақтау және білім беру мекемелерінің; коммуналдық төлемдерді төлеу туралы мәліметтері көрсетілген тұрғын үйге иелік етуді растау болып табылады.
Бұдан басқа, меншік иесінде, оның жұбайында(зайыбында) және кәмелетке толмаған балаларында уақытша (маусымдық) тұруға арналған бірнеше ғимарат болған кезде бір ғана тұрғын үй беріледі.
Сонымен қатар, егер азаматтың меншігінде уақытша (маусымдық) тұруға арналған құрылым, белгіленген құрылыс, санитарлық, экологиялық, өртке қарсы және басқа да міндетті нормалар мен ережелерге сәйкес келмейтін жатақхана бөлмесі түріндегі тұрғын үй болса немесе басқа тұрғын үйдегі үлесі 50% - дан аз болса, онда бұл жағдай жатақхананы алуға кедергі болмайды.
Сондай-ақ табиғи сипаттағы төтенше жағдайлар салдарынан зардап шеккендерге келтірілген зиянды (залалды) өтеу қағидаларына түзетулер енгізілді.
Атап айтқанда, кейбір жағдайларда табиғи сипаттағы төтенше жағдайлар кезінде әкімшілік-аумақтық бірлік аумағында төтенше жағдай жарияланған кезде меншік құқығында басқа тұрғын үйі жоқ меншік иелері мен олардың отбасыларының қираған немесе тұруға жарамсыз болып қалған уақытша (маусымдық) тұруға арналған құрылым тұрғын үйге жатады.
Меншік иесінде, оның жұбайында(зайыбында) және кәмелетке толмаған балаларында уақытша (маусымдық) тұруға арналған бірнеше құрылыстар болған кезде құрылыстардың тек біреуі ғана өтелуге тиіс.
Табиғи сипаттағы ТЖ салдарынан тұрғын үйге ішінара зақым келген жағдайда жергілікті атқарушы орган техникалық тексеру және сметалық құжаттама негізінде оны қалпына келтіру тетіктерінің бірін мыналар арқылы айқындайды:
- жөндеу жұмыстарын жүргізу үшін мердігерлік ұйымды тарту;
- жөндеу жұмыстарын өз бетінше жүзеге асыру туралы шешім қабылдаған азаматтарға шығыстарды төлеу.
Қаулы 2024 жылғы 4 маусымнан бастап қолданысқа енгізілді.
