Алматыда куәлігінен айырылған жүргізуші әйелді қағып өлтірді

Алматыда 15 шілдеде жол апатынан бір адам қаза тапты. Куәлігінен айырылған жүргізуші әйелді қағып кетті, деп хабарлайды Zakon.kz.

Оқиға Қабдолов көшесінде, Grand Park сауда орталығына қарама-қарсы жерде болған.

Сурет: Zakon.kz

Chevrolet Cobalt жүргізушісі жол қиылысынан тура 50 метр жерде әйелді қағып кетті. Соққыдан әйел қарсы келе жатқан көлікке соғылып, оны қайтадан Daewoo Nexia көлігі қағып кеткен.

Сурет: Zakon.kz

Оқиға салдарынан әйел алған жарақаттарынан жедел жәрдем келгенше сол жерде көз жұмды.

Сурет: Zakon.kz

Қазір шамамен 35-40 жас шамасындағы әйелдің кім екені анықталып жатыр. Оқиға орнында жол полициясының қызметкерлері мен тергеуші жұмыс істеп жатыр. Олар оқиғаның барлық мән-жайын анықтап жатыр.

Сурет: Zakon.kz

Сондай-ақ Chevrolet Cobalt жүргізушісі де жүргізуші куәлігінен айырылғаны белгілі болды.