Алакөлдегі демалыс аумағындағы үйлердің бірінде өрт шықты

Жетісу облысының өрт сөндірушілері демалыс аймағындағы өртті сөндірді, деп хабарлайды Zakon.kz.

Төтенше жағдайлар министрлігінің хабарлауынша, Алакөл ауданы Ақши ауылында демалыс аумағындағы үйлердің бірінде өрт шықты.

Құтқарушылардың жедел іс-қимылының арқасында 400 ш.м. аумақтағы өрт толығымен сөндірілді.

Зардап шеккендер жоқ, себебі анықталып жатыр.

"Төтенше жағдай туындаған жағдайда 112 нөміріне қоңырау шалыңыз!", - деп ескертті ведомство.