Түркістан облысында шөп тиелген жүк көлігі өртенді: жүргізуші зардап шекті

Бүгін, 11 тамызда Түркістан облысы Сайрам ауданында шөп тиелген жүк көлігі өртенді, деп хабарлайды Zakon.kz.

Төтенше жағдайлар министрлігінің хабарлауынша, тұрғындар өртті өз бетінше сөндіруге тырысқандықтан, уақыт жоғалтқан.

Олар өртке төтеп бере алмайтындарын түсінген кезде ғана хабарлама жіберген.

Өрт сөндірушілер шақыру орнына жедел келіп, өртті толығымен сөндірді. Алайда өрт салдарынан жүргізуші қолын күйдіріп, көлік жарамсыз болып қалған.