Инвестициялық ахуал: Алматы облысындағы инвесторлар үшін қандай қолдау шаралары мен жағдайлар жасалған
Сурет: Алматы облысы әкімдігінің баспасөз қызметі
Осы бастамалар шеңберінде өңірде жалпы ауданы 1370 гектар болатын төрт индустриялық аймақ құрылды, онда экспортқа бағдарланған өндірістерді орналастыру жоспарлануда. Бұдан басқа, облыс аумағында жалпы ауданы 96,6 мың гектар "Алатау" арнайы экономикалық аймағы жұмыс істейді. АЭА қатысушыларына қолданыстағы заңнамаға сәйкес салықтық жеңілдіктер мен преференциялар беріледі. Қазіргі уақытта Алатау қаласы мен АЭА аумағында 23 инвестициялық жоба іске асырылуда.
Облыс сондай-ақ маңызды көлік торабы болып табылады: "Бір белдеу, бір жол" бастамасы шеңберінде көлік ағындарының ұлғаюына ықпал ететін "Батыс Еуропа – Батыс Қытай" халықаралық автомобиль дәлізі аймақ аумағы арқылы өтеді.
Мұнымен қоса, Алматы облысында жүктерді жеткізу уақытын едәуір қысқартатын темір жол маршруттарының тармақталған желісі жұмыс істейді. Егер Қытайдан теңіз тасымалына 40-45 күн қажет болса, жаңа теміржол бағыты бойынша Қытайдан Еуропаға жүктерді жеткізу небәрі 14 күнді алады. Нәтижесінде өңірдегі логистикалық тасымалдардың 92% — ы теміржол және автомобиль көлігімен жүзеге асырылады.
