Маңғыстаудағы оқушылардың жаппай улануы: балалардың жағдайы туралы Денсаулық сақтау министрі айтып берді
Фото: freepik
ҚР Денсаулық сақтау министрі Ақмарал Әлназарова Үкіметте өткен баспасөз мәслихатында Маңғыстау облысындағы оқушылардың жаппай улануына түсініктеме берді, деп хабарлайды Zakon.kz.
Ол мектеп жасындағы балалардың жаппай тамақтан улануын тіркеу 6 қыркүйекте Маңғыстау облысы аудандарының бірінде басталғанын еске салды.
"Бүгінгі таңда 462 бала медициналық көмекке жүгінді, 92 бала ауруханаға жатқызылды. Қазіргі уақытта 17 бала шығарылды, денсаулық жағдайының тұрақтануына байланысты реанимацияда болған екі бала бөлімшелерге ауыстырылды, қалған 387 бала амбулаториялық емделуде", — деді Ақмарал Әлназарова.
Оның айтуынша, бұл жерде Денсаулық сақтау вице-министрі Астана мен Алматылық клиницистер мен санитарлық эпидемиологтар командасымен жұмыс атқаруда.
"Өлім қаупі жоқ, жағдай тұрақты, балалардың жағдайы жақсаруда", – деп атап өтті Денсаулық сақтау министрлігінің басшысы.
2024 жылғы 7 қыркүйекте Мұнайлы ауданы Бесшоқы ауылының №8 орта мектебінің 1-4 сынып оқушыларының тамақтан уланғаны белгілі болды. Ата-аналардың айтуынша, балалар мектеп асханасында котлет қосылған картоп пюресі жеген.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
