Талдықорғанда салафит ағымының жақтаушысы ұсталды
Сурет: Жетісу облысының ПД
ПД Экстремизмге қарсы іс-қимыл басқармасының қызметкерлері Жетісу облысы ҰҚКД қызметкерлерімен бірлесіп, сотқа дейінгі тергеп-тексеру шеңберінде "аса ірі мөлшерде" синтетикалық тектес есірткі құралдарын сақтауда қатысы бар 33 жастағы күдікті ер адам ұсталды.
Ұстау барысында күдікті жиналмалы пышақ қолданып, құқық қорғау органдарының қызметкерлеріне белсенді қарсылық көрсеткен. Алайда, "Арлан" ОЖВ қызметкерлерінің кәсіби әрекеттерінің нәтижесінде ер адам ұсталып, жиналмалы пышақ заттай дәлел ретінде тәркіленді.
Күдіктінің тұрғылықты жерін тінту барысында ерекше иісі бар ақ түсті ұнтақ зат табылды және тәркіленді. Сот-химиялық сараптаманың қорытындысына сәйкес, алынған зат синтетикалық тектес есірткі — "Мефедрон" — жалпы салмағы шамамен алты грамм.
Қазіргі уақытта, күдіктіге қамауға алу бұлтартпау шарасы таңдалды, одан әрі тергеу әрекеттері жүргізілуде.
