Алматыдағы Ұлы Отан соғысының ардагері 100 жасқа толды
Сурет: Алматы гарнизоны баспасөз қызметі
Алматыда 25 қазан күні соғыс ардагері Қамбар Сәрсеновты ғасырлық мерейтойымен құттықтады, деп хабарлайды Zakon.kz.
Алматы гарнизонының баспасөз қызметі хабарлағандай, ардагерді құттықтады:
- Медеу ауданының қорғаныс істері басқармасының әскери қызметшілері;
- Радиоэлектроника және байланыс әскери-инженерлік институтының басшылығы;
- ҚР Қарулы күштері Ардагерлер кеңесінің өкілдері.
Сурет: Алматы гарнизоны баспасөз қызметі
"Қамбар Сәрсеновтың өмір жолы-батылдықтың, борышқа және Отанға адалдықтың жарқын үлгісі",-деп атап өтті Радиоэлектроника және байланыс Әскери-инженерлік институтының бастығы, генерал-майор Нұртас Қабақов.
Құрмет белгісі ретінде институт курсанттары ардагердің алдында салтанатты шерумен өтті. Мерейтой иегері құттықтау сөздерін ризашылықпен қабылдап, батасын беріп, Қазақстан тұрғындарына бейбітшілік пен амандық тіледі.
Сурет: Алматы гарнизоны баспасөз қызметі
Ардагер соғыс кезіндегі қиын-қыстау сәттерді есіне алып, жас ұрпаққа әңгімелеп берді. Оның айтуынша, ол Беларуссияда, Латвияда, Литвада соғысып, Кенигсбергті алуға қатысқан.
Әскери қызмет жылдары үш рет жараланған және келесі марапаттарға ие болған:
- І және ІІ дәрежелі Отан соғысы ордендерімен;
- II және III дәрежелі Даңқ ордендерімен;
- Қызыл Жұлдыз орденімен;
- өзге де көптеген медальдармен.
Соғыстан кейін Қамбар Сәрсенов ІІМ органдарында қызмет етіп, кейін біраз жылдар бойы Алматының энергетикалық жүйесінде жұмыс істеді.
Жаңалықтан zakon.kz сайтында хабардар болыңыз:
Бөлісу
Если вы видите данное сообщение, значит возникли проблемы с работой системы комментариев. Возможно у вас отключен JavaScript
