Батыс Қазақстан облысында 4 тонна шөп өртеніп кетті

Төтенше жағдайлар министрлігінің құтқарушылары Батыс Қазақстан облысында өрттің таралуына жол бермеді, деп хабарлайды Zakon.kz.

Теректі ауданы Ақжайық ауылындағы жеке тұрғын үйлердің бірінде 4 тонна шөп өртенді.

Өрт сөндірушілердің кәсіби әрекеттерінің арқасында өрттің шаруашылық құрылыстарға таралуына жол берілмеді. Өрт 16 шаршы метр алаңда сөндірілді. Зардап шеккендер жоқ. 

Төтенше жағдайлар департаменті шөпті тұрғын үйлерден, шаруашылық құрылыстар мен жолдардан неғұрлым алыс жерлерде сақтау қажет екенін ескертті.