Ақмола облысында жеке тұрғын үйде өрт шықты

Ақмола облысының өрт сөндірушілері жеке тұрғын үйдегі өртті сөндірді, деп хабарлайды Zakon.kz.

Ақкөл ауданы Новорыбинка ауылы Ескі ауыл көшесі бойында жеке тұрғын үйде өрт шықты.

"Құтқарушылардың жедел іс-қимылдарының нәтижесінде 25 шаршы метр аумақты шарпыған өрт сөндірілді. Зардап шеккендер жоқ, өрттің себебі анықталып жатыр", - делінген хабарламада.

ТЖМ тұрғындарды өрт қауіпсіздігі ережелерін сақтауды ескертті.