Алматы облысында азық-түлік дүкені мен дәріхана өртке оранды

2024 жылғы 11 қарашаға қараған түні Еңбекшіқазақ ауданының Есік қаласында Алтын Адам көшесі бойында бір шатыр жабыны астында орналасқан азық-түлік дүкені мен дәріхананың жануы орын алды, деп хабарлайды Zakon.kz.

ҚР ТЖМ мәліметінше, көптеген жанғыш материалдардан туындаған үлкен өрт жүктемесіне қарамастан өрт сөндіру есептобы өртті 140 шаршы метр алаңда сөндірді.

Оқиға салдарынан ешкім зардап шеккен жоқ.

Бұған дейін полиция қызметкерлерінің ұрланған 3,5 мың мал басын иелеріне қайтарғаны хабарланған болатын.