Таразда тұрғын үй құрылысы қарқынды жүруде
Сурет: Тараз қаласы әкімдігінің медиа орталығы
Айталық, алып құрылыс алаңына айналған Тараз қаласындағы "Ұлы дала" шағын ауданында (15) қазір 34 көпқабатты тұрғын үй салынуда. Оның ішінде 10 үйдің құрылысы толығымен тәмамдалса, 17-сін ағымдағы жылдың соңында аяқтау жоспарланған. Ал қалған 7 тұрғын үй 2025 жылға өтпелі.
Сурет: Тараз қаласы әкімдігінің медиа орталығы
Сондай-ақ Асанбай Асқаров көшесінің соңындағы тұрғын алқапта (16 шағын аудан) 16 үйдің құрылыс-монтаждау жұмыстары басталған. Бүгінде 6 тұрғын үй пайдалануға қабылданған. Сонымен қатар мемлекеттік құрылыс саласындағы келісім-шартқа сәйкес, осы жылдың соңына дейін 6 тұрғын үйдің құрылысын аяқтау көзделіп отыр. Аталған шартқа байланысты «Агроспецстрой» ЖШС мердігерлігімен қалған 4 тұрғын үйдің құрылыс жұмыстары 2025 жылға өтпелі. Бұған қоса биылға аталған алқапқа қосымша 66 тұрғын үйдің жобалау-сметалық құжаттары дайындалуда.
Сурет: Тараз қаласы әкімдігінің медиа орталығы
Тараз қаласы әкімдігінің медиа орталығының мәліметінше, биыл "Әулие-Ата" (14) шағын ауданында да құрылыстың қазығы қағылды. Нақтырақ тоқталсақ, мұнда "22 тұрғын үйдің құрылысын салу" нысаны бойынша жобалау-сметалық құжаттамасы толық әзірленіп, сараптама қорытындысы алынған.
Сурет: Тараз қаласы әкімдігінің медиа орталығы
Қазіргі таңда нысандардың мердігер мекемелері анықталып, келісім-шарт жасалған. Ал техникалық қадағалау бойынша мемлекеттік сатып алу конкурсы өтіп, келісімшарт жасалуда.
Сурет: Тараз қаласы әкімдігінің медиа орталығы
Бүгінде аталмыш нысандарды құрылыс-монтаждау жұмыстары басталды. Жоба бойынша тұрғын үй ішкі алаңдық инженерлік желілерімен бірге қарастырылған.
