WhatsApp қосымшасы 2025 жылы кейбір iPhone үлгілерінде жұмысын тоқтатады

Сурет: рixabay

2024 жылдың 2 желтоқсанында белгілі болғандай, WhatsApp келесі жылдан бастап iOS-тың кейбір ескі нұсқаларында жұмысты тоқтатуды жоспарлап отыр, деп хабарлайды Zakon.kz.

Қазіргі уақытта WhatsApp iOS 12 және одан бұрынғы нұсқаларды да қолдайды. Дегенмен, wabetainfo дерегінше, болашақта қосымшаның дұрыс жұмыс істеуі үшін кем дегенде iOS 15.1 нұсқасы керек.

Сурет: wabetainfo

Бұл өзгеріс ең алдымен iPhone 5s, iPhone 6 және iPhone 6 Plus пайдаланушыларына әсер етеді, себебі бұл құрылғылардың соңғы iOS жаңартуы iOS 12.5.7 нұсқасы. Дегенмен, бұл құрылғылар арқылы WhatsApp-ты іске қосатын пайдаланушылар саны аз болуы мүмкін. Бұдан өзге iOS 15.1-ден төмен пайдаланушылар нұсқаны iPhone параметрлері > Жалпы > Бағдарламалық құралды жаңарту тармағын ашу арқылы жаңарта алады.

Айта кетейік, бұл тек iPhone қолданушыларына ғана қатысты.

2025 жылдың 5 мамырынан бастап WhatsApp iOS 15-тен төмен нұсқаларда қызметін тоқтатады. Бұл WhatsApp қосымшасына да, WhatsApp Business-ке де қатысты.

Оқи отырыңыз