Алматыда павлодарлық хоккейшілердің жеке мүлкін ұрлап кеткен

Алматы полицейлері хоккейшінің жеке мүлкін ұрлап кеткен күдіктілерді ұстады, деп хабарлайды Zakon.kz polisia.kz-ке сілтеме жасап.

Ұрлық павлодарлық хоккей командасының жаттығып жатқан кезінде болған. Бейтаныс адамдар киім ауыстыратын бөлмеге еркін кіріп, спортшылардың бірінің жеке мүлкін ұрлап кеткен.

Бұл туралы дереу полицияға хабарланды.

Бірнеше сағаттың ішінде қылмыс ашылды: жақын маңдағы ауданның үш жас тұрғыны ұсталды.

"Айғақты заттар тәркіленіп, иесіне қайтарылды", - дейді Медеу аудандық полиция басқармасына қарасты полиция бөлімінің басшысы Елдос Бақбергенов.