Алматылық блогер педофилия бойынша күдікке ілінді: балалар омбудсмені ата-аналарға үндеу жасады

Алматылық миллион оқырманы бар блогер Қолғанат Жұмабаев әйелі күйеуін педофилия бойынша айыптады. Бұған қатысты Бала құқықтары жөніндегі уәкіл Динара Зәкиева түсінік берді, деп хабарлайды Zakon.kz.

Блогер Құлпынай Қалменова өз күйеуінің кәмелетке толмаған 10-11 жастағы балалармен хат алмасқаны туралы айтты. Бұған қатысты Бала құқықтары жөніндегі жедел уәкіл Динара Зәкиева пікір білдірді

"Аталған жағдай бойынша мен және заңгер кеше блогермен байланысқа шықтық. Қалалық прокуратурамен бірге процестік шешім қабылдау мәселесі бойынша жұмыс істеп жатырмыз. Уәкілетті органдармен бірлесе отырып, балалардың құқықтарын қорғау үшін барлық қажетті шараларды қабылдаймыз", - деді Зәкиева.

Ол сонымен бірге ата-аналарды қырағы болуға шақырды: баланың кіммен араласатынын әрдайым бақылап, оған қауіп-қатер, соның ішінде әлеуметтік желідегі қауіптер жайлы айтып отыру керек екенін ескертті.

"Сондай-ақ 2023 жылдың қыркүйегінде мектептерде енгізілген қауіпсіздік сабақтары аясында қаралатын тақырыптарды талқылау маңызды. Балалардың қауіпсіздігіне қатысты кез келген күмәнді жағдайларда 102 немесе 111 нөмірлеріне хабарлау қажет", - деді ол.

Омбудсмен былтыр қабылданған әйелдер құқықтары мен балалардың қауіпсіздігін қамтамасыз ету жөніндегі заң аясында 16 жасқа толмаған адамдарға сексуалдық сипатта тиісу үшін жаңа қылмыстық бап енгізілгенін еске салды.

"Аталған бап бойынша маусым айынан бері 33 қылмыстық іс тіркелді, бұл осындай әрекеттер үшін жазаның бұлтартпастығын қамтамасыз етуге және ауыр қылмыстардың алдын алуға мүмкіндік береді". Динара Зәкиева