Полиция тәулік ішінде үш есірткі зертханасын анықтады

ІІМ есірткі қылмысына қарсы іс-қимыл бөлінісінің қызметкерлері бір тәулік ішінде Батыс Қазақстан, Солтүстік Қазақстан және Қарағанды облыстарында үш есірткі зертханасын жойды, деп хабарлайды Zakon.kz.

ІІМ есірткі қылмысына қарсы іс-қимыл комитеті төрағасының орынбасары Данияр Мейірхан сөзінше, күдіктілер ұсталды - екі ер адам мен бір әйел.

"Анықталғандай, олар алты ай бойы есірткі өсірумен айналысып, әрқайсысы 50 келі марихуана дайындаған. Оларға қатысты сотқа дейінгі тергеп-тексеру жүргізілуде. Ұсталғандарға 15 жылға дейін бас бостандығынан айыру жазасы көзделеді. Бұл бағыттағы жұмыс жалғасып жатыр", - деді Данияр Мейірхан.