Спорт жаңалықтары 
ҚР Ұлттық тестілеу орталығы ҰБТ тапсыратын колледж түлектеріне жүгінді
Фото: Национальный центр тестирования
Ведомство 2019 жылдан бастап барлық колледж түлегі ҰБТ тапсыратындығын, КТА дегеннің жоқтығын еске салды.
"Сіздер ҰБТ-ны жылына 4 рет тапсыра аласыздар: мамыр-маусым айларында (негізгі ҰБТ деп аталып, қатысуға 2 мүмкіндік беріледі), наурыз, тамыз айларында (егер колледжде бітірген мамандығыңызды жалғастырмаған жағдайда)",- деп мәлімдеді орталық.
ҰБТ-ға тіркелу www.app.testcenter.kz сайтында жүзеге асырылады.
Наурыз, тамыз және негізгі ҰБТ
"Егер сіз колледжде оқып бітірген мамандығыңызды жалғастырмай, басқа мамандыққа оқуға түскіңіз келсе, 5 пән (3 міндетті + 2 бейіндік) бойынша ҰБТ тапсырасыз",- делінген ақпаратта.
Ол үшін тіркелу сайтында "Өткен жылғы мектеп және колледж түлектері" тетігін баса отырып ҰБТ-ға өтініш бересіз.
- Тест тапсырмалар саны – 120;
- Жалпы уақыты – 4 сағат (240 минут);
- Жоғары балл саны – 140.
"Егер сіз колледжде оқып бітірген мамандығыңызды жалғастырмай, шығармашылық мамандыққа оқуға түскіңіз келсе, 2 пән (Қазақстан тарихы және Оқу сауаттылығы) бойынша ҰБТ тапсырасыз. Шығармашылық емтихан ЖОО-да өтеді". ҚР Ұлттық тестілеу орталығы
Ол үшін тіркелу сайтында "Өткен жылғы мектеп және колледж түлектері" тетігін баса отырып ҰБТ-ға өтініш бересіз.
- Тест тапсырмалар саны – 30;
- Жалпы уақыты – 70 минут;
- Жоғары балл саны – 30.
Негізгі ҰБТ (мамыр-маусым)
"Егер сіз колледждегі мамандығыңызды жалғастырып, грант негізінде жоо-ға қысқартылған оқыту мерзімдерін көздейтін мамандықтарға түскіңіз келсе, өтініш беру бөлімінде "Қысқартылған оқуға түсетін колледж бітірушілері" санатын көрсетесіз",- деп мәлімдеді ведомство.
ҰБТ-ны жалпы кәсіптік және арнайы пәндер бойынша тапсырасыз.
- Тест тапсырмалар саны – 60;
- Жалпы уақыты – 2 сағат (120 минут);
- Жоғары балл саны – 70;
- Шекті деңгей балы – 25, "Педагогикалық ғылымдар" білім беру саласы бойынша – 35 балл. Оның ішінде әр пәннен 5 балдан кем болмауы тиіс.
Егер сіз колледжді шығармашылық дайындықты талап ететін мамандық бойынша бітіріп, ары қарай осы мамандық бойынша грант конкурсына қатысқыңыз келсе, онда ҰБТ-ны арнайы пәннен тапсырасыз. Шығармашылық емтихан жоо-да өтеді. Тестілеудің жалпы уақыты – 1 сағат 20 минут (80 минут).
Егер сіз колледждегі мамандығыңыз бойынша АҚЫЛЫ НЕГІЗДЕ жоо-ға қысқартылған оқыту мерзімдерін көздейтін мамандықтарға түскіңіз келсе, ҰБТ тапсырмайсыз. Құжаттарыңызды жоо-ның қабылдау комиссиясына өткізесіз.
"Мұқият оқып, ҰБТ-ға өтініш беретін кезде қателесіп кетпеулеріңізді сұраймыз!",- деп қорытындылады ҚР Ұлттық тестілеу орталығы.
Бұған дейін Жамбыл облысында ауруханадан 350 млн теңге ұрлаған хакер ұсталғандығы хабарланған болатын.
