Алматыда мас бұзақылар СОБР қызметкерлеріне шабуыл жасады

Алматыда 22 ақпан күні таңертең мас күйдегі бір топ ер адам қала көшелерінің бірінде жанжал туғызды, деп хабарлайды Zakon.kz.

Желідегі ақпарға сүйенсек, оқиға Назарбаев даңғылында сағат 05:00 шамасында болған.

"СОБР-дің кезекшіліктегі үш қызметкеріне үш ер адам шабуыл жасады, олар мас күйде болды... ...Агрессияға қарамастан, СОБР қызметкерлері жоғары кәсіби шеберлік пен жауапкершілікті көрсете отырып, физикалық күш қолданбады...",- деді желіде тараған бейненің авторы.

Посмотреть эту публикацию в Instagram

Публикация от Krispi Almaty | Криспи Алматы (@krisp_almaty)

Полиция бейнеге қатысты түсініктеме берді.

"Осы факті бойынша Медеу аудандық полиция басқармасы шаралар қабылдады. Құқық бұзушылар ұсталып, қоғамдық орында мас күйінде пайда болғаны, ұсақ бұзақылық жасағаны, сондай-ақ полиция қызметкерлерінің заңды талаптарына бағынбағаны үшін жауапқа тартылды. Шешім қабылдау үшін өндіріс материалдары сотқа жіберіледі",-деп хабарлады Алматы қаласы полиция департаментінің баспасөз қызметі.

Бұған дейін Қазақстанда жұмыртқа импортына тыйым қайта енгізілуі мүмкін екендігі хабарланған болатын.