Қызылордалық ер адам пойызда екі келіден астам марихуана тасымалдаған

Түркістан облысында аса ірі көлемде есірткімен ұсталған Қызылорда қаласының тұрғынына қатысты үкім шықты, деп хабарлайды Zakon.kz Бас көлік прокуратурасының баспасөз қызметіне сілтеме жасап.

Ер адам Қызылорда-Семей жолаушылар пойызында 2 келіден астам марихуана тасымалдаған.

Оны Түркістан станциясында жедел іс-шаралар барысында көлік полициясының қызметкерлері ұстады. Сот оны өткізу мақсатында есірткіні заңсыз сатып алу, сақтау және тасымалдау бойынша кінәлі деп тапты.  

"Қабылданған шешім – 8 жыл бас бостандығынан айыру". Бас көлік прокуратурасы

Үкім заңды күшіне енді.