Ақмола облысында көлікті ағыс алып кетті: адам қаза тапты

Ақмола облысында жолдың жабылатыны туралы ескертуге құлақ аспаған жол талғамайтын көлік жүргізушісі қаза тапты, деп хабарлайды Zakon.kz.

Қайғылы оқиға 5 сәуірде "Астана – Атбасар – Жақсы – Рузаевка – Сарыкөл – Қостанай – Ресей шекарасы" бағытының 963-шақырымында болды.

"Жүргізуші салынған тыйымға құлақ аспай, полиция бекетін айналып өтіп, су тасқынына байланысты жабылған аумақпен өтпек болған. Салдарынан көлікті ағыс алып кетті", - деп хабарлады Ақмола облыстық полиция департаментінің баспасөз қызметі.

Көлікте үш адам болған. Екі жолаушыны полиция мен Төтенше жағдайлар министрлігі құтқарды, оларға медициналық көмек қажет болды. Жүргізушінің денесі түнде табылды.