Алматыда ер адам көршілеріне пышақпен шабуыл жасамақ болды

Алматының Наурызбай ауданындағы тұрғын үй кешенінің халқын қолына суық қару ұстап жүрген көрші ер адам үрейге салған, деп хабарлайды Zakon.kz.

Оқиға 2025 жылдың 17 сәуірінде болды. Оқырманның жіберген бейнесінен жартылай жалаңаш ер адамның кіреберіс дәліздерді аралап, көрші пәтерлердің тұрғындарының есіктерін қағып, адамдарды мазалап, қорқытып жатқанын көруге болады.

Бақылау камераларындағы келесі бейнеде мазасыз көршінің лифтте адамға шабуыл жасауға тырысқаны байқалады.

Алматының полиция департаменті бұзақының полиция басқармасына жеткізілгенін, іс жүргізіліп жатқанын мәлімдеді.

"Шақыру келіп түскеннен кейін полиция қызметкерлері оқиға орнына дереу келді. Мас күйінде болған ер адам Наурызбай ауданының полиция басқармасына жеткізілді. Оған қатысты ӘҚБтК – нің 1-бөлігінің 440-бабы және 1-бөлігінің 434-бабы бойынша-қоғамдық орында мас күйінде пайда болғаны және ұсақ бұзақылық жасағаны үшін әкімшілік хаттамалар жасалды", – деді тәртіп сақшылары.

Полиция материалдардың заңда көзделген шешімді қабылдау үшін сотқа берілгенін айтты. 

Бұл ретте, лифттегі шабуыл жасамақ болу әрекеті де тіркеліп, іс қозғалды. 

Бұған дейін Қазақстанда қоғамда құқықтық тәртіп идеологиясын насихаттау тұжырымдамасы бекітілгендігі хабарланған болатын.