Спорт алаңындағы төбелес: Павлодарда бес ата-анаға әкімшілік шара қолданылды

"Семья и дети" қоғамдық қорының парақшасына бір топ бала құрдас баланы аяқпен теуіп, ұрып жатқан видеосы түскен, деп хабарлайды Zakon.kz pavlodarnews.kz-ке сілтеме жасап.

Жәбір көрген баланың ата-анасы қоғам белсенділеріне жүгініп, шағымданды. 

Посмотреть эту публикацию в Instagram

Публикация от СЕМЬЯ И ДЕТИ. ПАВЛОДАР (@semia_i_deti_pavlodar)

"8-12 жастағы ұлдар ауладағы балаларға тыныштық бермейді. Олар балаларды итеріп, қорлайды, шабуылдайды және жаппай ұрады. Ата-аналары әрекетсіздік танытып жатыр", - деп жазды желі қолданушысы. 

Облыстық полиция департаменті баспасөз қызметінің мәліметінше, оқиғаның барлық қатысушысы анықталды. Кәмелетке толмағандар ата-аналарымен бірге полицияға жеткізілді.

"Балаларды тәрбиелеу жөніндегі міндеттерді тиісінше орындамағаны үшін заңды өкілдер әкімшілік жауапкершілікке тартылды. Материалдар процессуалдық шешім қабылдау үшін сотқа жіберілді", - деп хабарлады департамент. 

Соттың шешімі бойынша материалдар Павлодар әкімдігінің жанындағы кәмелетке толмағандардың істері және олардың құқықтарын қорғау жөніндегі комиссияға жіберіледі.