Ақтөбеде құтқарушылар бір тәулік бойы ағашта отырған мысықты аман-есен түсірді

Төтенше жағдайлар министрлігі қызметкерлері ағаш басында бір тәулік отырған мысықты құтқарды, деп хабарлайды Zakon.kz.

Ақтөбе облысының 112 пультіне Ақтөбе тұрғынынан мысықтың биік ағашқа шығып, өздігінен түсе алмай жатқандығы туралы хабар түскен.

Оқиға орнына жедел түрде құтқару бөлімінің тобы жеткен.

"Арнайы құрал-жабдықтар мен сатының көмегімен құтқарушылар мысықты ағаштан аман-есен түсіріп, иесіне табыстады", - деп хабарлады ведомство.