Спорт жаңалықтары 
Қазақстан мен Қырғызстан одақтастық қатынастарды кеңейтуге келісті
Фото: senate.parlam.kz
Сыртқы істер министрінің бірінші орынбасары Ақан Рахметуллиннің айтуынша, құжатқа 2024 жылғы 19 сәуірде Астанада қол қойылған. Келісімнің мақсаты – Қазақстан мен Қырғызстан арасындағы ынтымақтастықты кешенді дамытуға қосымша серпін беру.
"Құжатта саяси, әскери, сауда-экономикалық, инвестициялық, ауыл шаруашылығы, транзиттік көлік, су-энергетика, білім беру, ғылыми-техникалық және мәдени-гуманитарлық салаларда екіжақты өзара тиімді ынтымақтастықты кеңейту және кешенді дамытуды қамтамасыз ету қарастырылған", – деп атап өтті ол.
Осылайша, Келісімнің 2-бабында одақтастық қатынастарды тереңдету және кеңейту мақсатында Қазақстан Республикасы мен Қырғыз Республикасының Жоғары мемлекеттік кеңесінің қызметінің маңызды рөлі аталған.
Сонымен қатар, Келісімнің 3-бабына сәйкес, тараптар екіжақты парламенттік байланыстарды, оның ішінде Қазақстан Республикасы Парламенті мен Қырғыз Республикасының Жоғарғы Кеңесі арасындағы ынтымақтастық бойынша Парламенттік Кеңес шеңберінде дамыту және нығайтуды қолдайды.
"Тараптар сондай-ақ қауіпсіздікке қатысты жаңа қауіптер мен қауіп-қатерлермен күресудегі ынтымақтастықты кеңейтіп, тереңдетеді, оның ішінде терроризм, экстремизм және сепаратизм, сондай-ақ трансұлттық ұйымдасқан қылмыс, киберқылмыс, заңсыз көші-қон, адам саудасы, қару-жарақ, есірткі заттары, психотропты заттар мен олардың прекурсорларын заңсыз айналымы. Тараптар ұзақ мерзімді негізде сенім, теңдік және ұлттық мүдделерді өзара ескеру, сондай-ақ тәуелсіздік, егемендік, аумақтық тұтастық және мемлекеттік шекаралардың бұзылмауын өзара құрметтеу негізінде ынтымақтастықты құрып, дамытуды көздейді", – делінген Мәжілістің профильдік комитетінің қорытындысында.
Бұған дейін полицейлер өзгенің көлігінен ақша ұрлаған күдіктіні ұстағандығын хабарлаған болатын.
