Бос жұмыс орындары - 2025: кімдерге сұраныс жоғары, мамандар қай аймаққа қажет

2025 жылы Қазақстанның еңбек нарығы өте қарқынды болады деп күтілуде: Еңбек ресурстарын дамыту орталығының (ЕРДО) мамандарының мәліметінше, Enbek.kz электрондық еңбек биржасында жарияланатын бос жұмыс орындарының саны 1,2 миллионға дейін жетуі мүмкін, деп хабарлайды Zakon.kz.

Бұл болжам базалық, оптимистік және пессимистік үш сценарий бойынша жасалған. Базалық сценарийге сәйкес, 2025 жылы бос жұмыс орындарының саны 1,2 миллионға жетеді, бұл 2024 жылмен салыстырғанда 8%-ға артық.

Аймақтар бойынша сұраныс:

Базалық сценарийге сәйкес, 2025 жылы келесі ірі қалалар мен дамыған өңірлерде бос жұмыс орындарының саны ең жоғары болады:

• Астана: 102 мың бос жұмыс орны;
• Алматы: 84 мың бос жұмыс орны;
• Түркістан облысы: 79 мың бос жұмыс орны;
• Қарағанды облысы: 75 мың бос жұмыс орны;
• Атырау облысы: 74 мың бос жұмыс орны.

Білікті мамандарға сұраныс:

Базалық сценарий бойынша бос жұмыс орындарының білікті мамандарға деген ең көп сұранысы:

• Астана қаласында (102 мың),
• Алматы қаласында (82 мың),
• Павлодар және Қарағанды облысында (55 мың).

2025 жылы ең көп сұранысқа ие 10-топ білікті мамандық:

• Қоғамдық пәндер мұғалімдері — 29,5 мың
• Орта медициналық қызметкерлер (күтім бойынша) — 23,3 мың
• Мектепке дейінгі тәрбиешілер — 22,0 мың
• Ауыр науқастарға күтім жасайтын қызметкерлер — 19,2 мың
• Бастауыш сынып мұғалімдері — 17,0 мың
• Балабақша тәрбиешілерінің көмекшілері (бала күтушілер) — 15,8 мың
• Күзетшілер — 15,2 мың
• Жаратылыстану пәндерінің мұғалімдері — 15,1 мың
• Жеңіл автокөлік жүргізушілері — 14,3 мың
• Математика пәнінің мұғалімдері — 13,1 мың

Жұмысшы мамандықтар бойынша сұраныс:

Базалық сценарий бойынша 2025 жылы бос жұмыс орындарының жұмысшы мамандарға ең көп саны күтілуде:

• Павлодар облысы — (30 мың),
• Қарағанды облысы — (23 мың),
• Қостанай облысы — (22 мың),
• Шығыс Қазақстан облысы — (20 мың).

2025 жылы ең көп сұранысқа ие 10-топ жұмысшы мамандық:

• Орта медициналық қызметкерлер (күтім бойынша) — 23,3 мың
• Қазандық және бу машиналарының операторлары — 10 мың
• Құрылыс-монтаж жұмыстарының жұмысшылары — 9,1 мың
• Өндірістік құрал-жабдықтарды жөндеушілер (слесарь) — 9,1 мың
• Газбен кесушілер — 8,9 мың
• Автобус жүргізушілері — 7,6 мың
• Электр энергиясын өндіру операторлары — 6,7 мың
• Сантехниктер мен құбыр монтаждаушылары — 6,4 мың
• Трактор жүргізушілері — 6,2 мың
• Жүк көлігі жүргізушілері — 5,8 мың

Бұған дейін Бурабайда 53 миллион теңгенің жер телімі тәркіленгені хабарланған болатын.