Жаслан Мәдиев "Байқоңырдан" ресейліктердің мерзімінен бұрын кететіні жайлы қауесеттерге жауап берді

2025 жылғы 4 маусымда Мәжіліс кулуарында Цифрлық даму, инновациялар және аэроғарыш өнеркәсібі министрі Жаслан Мәдиев ресейліктердің "Байқоңыр" ғарыш айлағынан мерзімінен бұрын кететіні туралы тараған ақпаратты жоққа шығарды, деп хабарлайды Zakon.kz.

Министр бұл мәліметтерді шындыққа жанаспайтын ақпарат деп атап өтті.

Оның айтуынша, ғарыш айлағын жалға алу туралы келісімшарт 2050 жылға дейін күшінде.

"Байқоңыр" ғарыш айлағындағы жұмысты мерзімінен бұрын тоқтату туралы бізге ешқандай белгі түскен жоқ. Қазіргі уақытта мерзімінен бұрын кету сценарийі талқыланып жатқан жоқ", - деді Жаслан Мәдиев.