"Таразэнергоорталығы" кәсіпорнында миллиардтаған қаржы жымқырған ҰҚТ мүшелері 13 жылға сотталды

Қаржылық мониторинг агенттігі "Таразэнергоорталығы" АҚ-ның 100% акциясын мемлекеттік меншікке қайтарды, деп хабарлайды Zakon.kz.

Қаржылық мониторинг агенттігінің мәліметінше, тергеу нәтижесінде айыпталушылар заңсыз монополиялық жоғары табыс алу мақсатында ұйымдасқан қылмыстық топ құрған.

Олар мемлекетке тиесілі 4,3 млрд теңгені жымқырып, бұл қаражатты бақылауындағы қолма-қол ақшалай айналым жасайтын кәсіпорындар арқылы заңдастырғаны анықталды.

Сот үкімімен 8 адам 3 жылдан 13 жылға дейін бас бостандығынан айырылды.